Drentando e fin di siman di Halloween en combinacion cu mayoria hende a cobra salario, a resulta den un inicio di weekend cu yen di asistencia pa Polis. Den careda di 1’or di diasabra marduga, a pidi asistencia di Polis urgente pa un cas na Santa Lucia.
E pareha a haya pleito cu otro debi cu e dama a reclama cu e homber a keda cu un tas cu tur su pertenencia, pero e homber a nenga di tin un tas of cualkier pertenencia di e dama den su poder. E homber no a permiti e agentenan policial pa drenta den su cura y e mes tabata keda paden di su cura. Finalmente e dama a sali pafo di e cura pa e papia cu Polis personalmente.
Despues di basta rato e homber a dicidi di sali for di su cura pero a keda insisti cu e no kier wak e dama mas na su cas y tabata bis’e pa e bandona su cas. Mirando cu no a logra yega na un solucion, e dama a subi su auto y a bandona e sitio. E homber mesora a cuminsa cera su cura y Polis no a resta nada otro di tambe subi nan vehiculo y sigui cu nan patruya.
