En conexion cu un investigacion andando, Seccion Crimen Organisa di Cuerpo Policial a haci un entrada hudicial den un container situa patras di un percela na Arendsstraat. Den e container a detene e homber Marco Tromp y tambe e señora di inicialman C.R.G. Ta considera e sospechosonan hopi peligroso y ta pesey a uza e team di aresto.
Den e container a confisca un cantidad di cocaina, marihuana, 4 arma di candela di cual un di nan ta un UZI, placa y celular.
Pa Cuerpo Policial por resolve mas caso ta hopi importante pa por conta riba e cooperacion di pueblo di Aruba. Ta pidi si tin cualkier informacion, pa yama e tiplijn: 11141.
