E Team di Aresto ta keto bay activo hunto cu Atraco Team y Recherche bishitando adresnan riba nos isla. Asina a logra pa haci detencion di mas hende. Ya for di mainta a tira inval. Net prome cu mey anochi dialuna a drenta mas adres y a detene e sospechoso Marco Tromp. Ainda no ta conoci exactamente e motibo di e inval.
Por link esaki na dos caminda. Por link esaki na e detencion di e menor cu menasa riba Colegio Arubano. Tambe por link esaki cu atraconan cu a tuma lugar recien. Den e mesun caya a comete atraco algun siman atras y despues di comete atraco a bay cu auto y trece bek den mesun area.
E sospechoso deteni pa Arestatie Team no ta un desconoci di husticia. E ta cay famia di e menor deteni den e caso di menasa riba Colegio Arubano. Asina mes e sospecho ta keda cu e persona deteni ta relaciona cu atraco. E ta un persona cu autoridad ta considera vuurwapengevaarlijk.
No ta conoci si a haya arma di candela den e inval aki. Un investigacion basta grandi e tuma luga henter anochi dor di Cuerpo Tecnico di Polis. Ta mustra cu a haya evidencia den e proceso di investigacion di e Team Investigativo despues cu Arestatie Team a drenta detene e sospechoso busca pa crimennan peligroso atrobe.
Ademas di e detencion di e local Marco Tromp na e adres, a detene tambe otronan cu parce no ta local. Tromp a yega di cay cera den pasado pa arma di candela. El a sinta casi dos aña di prison. Awe e tin 21 aña di edad y despues di sinta castigo pa arma ta den man di husticia atrobe.
E cas cu nan a drenta ta keda den Korvetstraat. E adres oficial di e sospechoso Marco Tromp ta Canoastraat. Ta menciona tambe cu a drenta un cas den Canoastraat cu no ta mucho leu pero esaki no por a keda confirma. Nos reporteronan tabata presente den e inval di un adres cu entrada via Korvetstraat y Arendstraat.
