Afpakteam di Aruba a tene un accion awe mainta den Caya Frère Johannes, caminda a detene un sospechoso relaciona cu un investigacion di malversacion y estafa. E sospecho ta cu Solange de Castro, kende ta un belastingadviseur, lo a malversa sumanan di placa di mas cu 2,4 miyon florin, cu el a ricibi di clientenan pa entrega na Belastingdienst. Durante e huiszoeking a tuma placa cash, joyas, administracion y computers den beslag. E investigacion no ta cla ainda.
Manera conoci, Afpakteam ta un cooperacion di OM, Polis, Aduana, Fiot (Fiscale inlichtingen- en opsporingsteam), Marechaussee, Kustwacht, Meldpunt ongebruikelijke transacties (MOT) y RST. Afpakteam ta bringa crimen financiero economico y ta activo na Aruba desde 2017. Pa tips y señalnan di labamento di placa por contacta Afpakteam via tiplijn (11141).
