Diasabra alrededor di 11:30PM polis a detene un homber betra na altura di Renaissance Marketplace. E homber aki a bay busca problema cu personal di siguridad, pero e situacion a bay asina leu pa motibo cu e tabata kier a agredi un di nan. Mesora a atende cu nan y a pidi presencia di autoridad.
A detene mesora mirando cu ya tabata pasa di 11:00pm. E tabata hopi agresivo, tabata insulta e polisnan durante cu nan a detene.
Un rato despues polis di Noord a para un Mitsubishi color blauw numera A-11890 na Ponton. E chauffeur no por a demonstra cu mag ta riba caya durante Toque de Queda. Mescos cu e homber na Renaissance, a transport’e tambe pa warda di polis caminda e proceso di multa lo tuma luga.
Tin cu bisa cu hopi hende a kere cu polis no ta actua durante toque de queda mirando cu e ultimo dianan aki no tabatin mucho detencion. Pero diasabra anochi polis tabata hopi activo, tanto den Playa como Noord y tambe San Nicolas.
Tur esaki pa motibo di percaucion, crisis team y gobierno ta pensa cu esaki ta e miho solucion pa mantene e casonan abou. Ta premira cu prolonga e medida aki mirando cu e casonan a subi e ultimo dos pa tres dianan aki.
