Ayera pa mas of menos 1:55 pm e ekipo atento di Project Team Drugspanden a pasa banda di Bar A Bar situa den Driemasterstraat. Ora cu e dos hombernan para dilanti dicho bar a mira cu ta polis, a haci maniobranan straño. Polisnan a dicidi di controla e dos hombernan. Den nan poder a haya basta marihuana y cocaina.
A detene e dos sospechoso di inicial C.A.P.R. di 34 aña y M.J de C. di 22 aña di edad, pa pocesion di droga. Consecuentemente a haci un entrada hudicial na un cas na Spechtstraat unda tambe a confisca mas of menos 1 kilo di marihuana.
A presenta ambos sospechoso dilanti un sub fiscal y riba su ordo a cera nan pendiente di mas investigacion.
Pa Cuerpo Policial por resolve mas caso, cooperacion y informacion di pueblo di Aruba ta hopi importante. Pesey ta pidi si tin cualkier informacion yama tiplijn: 11141. Polis ta garantisa cu bo ta keda anonimo.
