Polis a desarma homber mal droga na Malmok Weg

Un patruya di Polis a topa cu un pickup Ranger Blanco A-16667 riba e caminda di Malmok Weg. E chauffeur tabata actua straño. Mesora Polisnan a bay den accion pasobra e persona su actuacion ta mustra peligroso. E tabata arma tambe. Mientras cu refuerso tabata na caminda a logra desarma e chauffeur mal droga. A pone mesora na boei na man cu pia. A pidi dogcatcher pa asina transporte pa warda di Shaba. E homber tabata mustra hopi straño y tabata papia bruha. E no por a menciona su nomber of adres. E auto tabata tur kibra paden. E windshield tambe tabata kibra. Segun e chauffeur droga, tin hende ta sigui su tras. Despues el a bisa Polis cu bou asiento e cos ta y despues den baki di e pickup. Polis dificilmente por a comunica cune y claramente por a mira cu e droga a cause daño. Dogcatcher a yega y Polis a carge hibe warda.

Homber droga y mal bruha arma cu cuchio

Posted by 24ora on Sunday, June 30, 2019

E pickup e polisnan a hibe warda. Den e pickup a haya sakito di droga. Un auto di Polis mester a core dilanti e pickup pasobra paden hopi cos tabata kibra y no por cende lus y pone señal. Mas pabou segun testigonan e homber tabata prome. Polis a bay unda nan a señala y eynan a haya varios cos mas benta den cercania di e barancanan na costa di Malmok. E auto ta di e mama di e chauffeur. E lo tin basta placa pa bay gasta pa drecha tur e daño cometi den e auto. Hopi tristo pa mira con e droga ta causa daño na un hoben asina. Spera cu e recupera bon y no usa droga mas.

Comments

comments