“Director di Serlimar mester bay” esey ta reaccion di hopi trahado di Serlimar cu a habri awe dialuna mainta trempan den welga pafo di porta di e compania. Ta reina un malcontento grandi cu maneho di Serlimar, cu de facto ta wordo stipula dor di Minister Otmar Oduber. Trahadonan indigna ta desea pa ambos tuma nan retiro pa bon di e compania y di su progreso.
Trahadonan rabia y fada cu maneho di Serlimar a dicidi awe cu ta basta y asina a pone un candal na porta como protesta. Esey nifica cu trucknan cu mester sali pa bay duna servicio marduga no por a sali. Tur truck ta paden mientras e porta principal ta na candal cu cadena.
A notifica sindicato tambe pa bin duna acto di presencia. Con malo of con bon e director ta hibando su maneho na Serlimar no ta conoci. Loke si por bisa ta cu tin un malcontento cu e escala. E trahadonan kier pa e director y e Minister bay pasobra ta considera nan maneho como desastroso.
