Altocomisario di Cuerpo Policial Aruba, Andrew Hoo a haci entrega di decreto gubernamental, promocion y tambe hubileo na 4 persona cu ta sigui avansa den nan carera den e organisacion policial. E ceremonia a tuma luga den presencia di famia y coleganan na Centro di Husticia na Santa Cruz a tuma lugar.
Judith O. Britten, cu den su funcion como telefonista ta semper cu un sonrisa pa atende tur persona na bali di Oranjestad a celebra su 25 aniversario.
A promove Glenn E. van Nes for di Brigadier 1ste klasse pa Hoofdagent. Un paso grandi pa su carera policial. Awor cu mas responsabilidad, van Nes ta cla pa sigui sirbi su pais den un posicion nobo awor como Hoofdagent.
Dos cara conoci den oficina di Recherche ta Caroline M. Peterson y Sue-Ann C. Schwengle. Nan ta “Senior Recherche assistent Commies” na districto di San Nicolas y Santa Cruz. Nan ta un di e personanan importante den e departamento di recherche. Cu nan sosten y inteligencia nan a ricibi nan promocion gubernamental.
Alto comisario Hoo ta masha satisfecho di mira coleganan den e organisacion policial sigui avansa den nan carera of ta celebra nan aniversario dedicando nan pasion pa sirbi comunidad.
Aruba por ta orguyoso di mira personanan studia cu ta traha pa nos pais cu alma y curason pa promove siguridad di nos isla na un nivel mas halto ainda.
