Nan tabata amiga di otro. Ambos tabata bishita cas di otro. Awo diripente nan no ta amiga mas. Dialuna mainta siman a habri unda un ta tilda e otro di menasa. Esun na cora parce a bisa cu e lo mata e otro cu cuchio. Kico realmente ta e motibo cu nan ta enemiga mortal awe no ta conoci.
Polis a bay na Driemasterstraat 33 pasobra e dama ey a pidi pa polis bin pura. E otro a bisa cu e ta bay mata y lo tabata move rond cu cuchio. A yega dos patruya y un transporte cla pa hiba hende si detencion cay. Cada unidad di polis a papia cu e damanan. Nan ta biba casi dilanti otro. Pa un motibo cu nan no kier splica masha a pone cu nan ta pleita. Esun na cora a bay na cas di esun otro na Driemasterstraat pa reclame.
Esun na cora ta bisa cu ningun momento el a menasa e otro y mas bien a bay papia cune. Despues cu polis a scucha e storianan, a bisa esun na cora pa no bay mas crusa caminda busca problema na cas di bisiña cu un tempo tabata su amiga. E kiermen cu berdad el a flip un rato ora e ex amiga a conteste. Pero cu el a menasa esey no ta e caso. Esun na cora kiermen cu su ex amiga ta una “Cochina”. E tabata hasta come na su cas. Pero e secreto con awe nan a bira enemiga asina grandi a keda un misterio.
