Algo pasa di 12or merdia a drenta informacion cu tin un auto Nissan March cora sin number coriendo riba caminda. Polis a bay na un adres na Palm Beach y a bin topa cu e Nissan March cora y mas auto sin number y papelnan cu no ta cuadra.
Den listramento a bin haya un maleta den un SUV yena cu panja y a bin topa cu un sakito di marihuana. E mucha homber den un principio tog a duna polis ok pa listra. Polis no a detene pero si a pidie pa move e auto nan for di caminda publico.
