E conocido di polis, Pinki, no ta wanta un paranda. Diasabra anochi un poco prome cu 8:00 pm polis a top’e drumi cant’i caminda den Hendrikstraat, cerca di e crusada cu John G. Emanstraat. Nan no sa si tabata na bida of no, mirando cu e tabata drumi plat na suela. Ora polis a acerc’e, a resulta cu ta burachi e ta atrobe.
E tabata drumi tur na sanger. Man y nanishi tabata herida y cubri cu sanger. Pa su propio siguridad a opta pa deten’e y transport’e pa ward’i polis. No ta prome biaha cu polis ta atende cu e figura ‘ki. Pinki ta bebe asina hopi cu e ta lubida caminda cas. Cualkier pida acera e topa, e ta benta su curpa y drumi te ora polis topa cu ne.
