Den ora di marduga a start un pelea den establecimento nocturno na ‘Hot zone’ den area di Palm Beach caminda un persona a resulta herida cu tres detencion y hopi daño causa door di tiramento di boter.
Esaki a sosode aproximadamente 1:00 am na Gusto night club caminda un bouncer a hay’e confronta cu algun persona cu a dicidi di start un pelea formal den e establecimento. Tiramento di boter a pone cu e situacion a bay for di man y a pidi presencia di polis mesroa na sitio.
Mientastanto e bouncer a actua y saca e agresor pafo y want’e te ora polis yega sitio.
Situacion no a calma y polis a pidi presencia di mas colega pa reestablece ordo. Grupo grandi presente a purba lanta cu polis y entre nan a detene un persona cu a resisti su detencion.
El a resulta herida durante un caida y a bay flau un rato. A pidi presencia di ambulance mesora na sitio.
Un rato despues e situacion tabata bou di control y a transporta tur detenido direccion warda.