Loke ta pasando claramente ta un persecusion politico den dia cla. Esaki ta e prijs cu bo ta paga ora bo ta sin miedo pa expresa bo mes. Ora cu bo ta un ex politico contrincante y tin un funcion caminda otronan por perhudicabo. Netamente esey ta loke ta pasando awe. Ainda por corda con e tres agentenan superior a drenta un area residencial priva cu conocimento di mando policial y djey drenta un cas priva na huur pa purba sorprende e polisnan cu tabata hunto pasando un momento di combersacion.E superiornan pidi cu tono fuerte tambe pa tur e agentenan presente pa presenta mainta na warda. Ora cu nan a presenta na warda mainta a manda full e ploeg cas. Un ploeg di nuebe agente.
Clarisca ta na cabes di e ploeg aki. Entre e nuebenan suspendi manda cas, tabata tin tambe agentenan cu no tabata presente na e cas ora e tres superiornan a bay drenta kibrando e privacidad di e agentenan presente. E agentenan tin cu a wordo scucha. E noticia aki a haya un tinte politico pa esnan yega na gobierno cu a lastra Clarisca Velasques cu tabata parlamentario di AVP durante ocho aña. Clarisca den su caso a busca representacion legal y a bay haci denuncia na Landsrecherche.
Claro su situacion ta uno caminda cu e influencia politico ta bisto pa pest Clarisca te caminda cu por. Pest pasobra awe tur ocho agente mag bin traha bek. E di nuebe cu ta Clarisca Velasques mester keda cas suspendi. Clarisca no a haci nada diferente cu e otronan cu tabata tey. Awor si bise bin traha, logicamente e no por bin traha mas na warda di Playa. Eynan e tres agentenan cu a drenta su villa kibrando e privacidad tambe ta traha. Esaki lo por trece un confrontacion. Ban wak kico ta bay pasa. Den e caso aki no a tende nada mas di e abogado of Clarisca y si landsrecherche ta bay haci algo cu e denuncia. E Denuncia ta riba e actuacion incorecto di e tres superiornan cu a drenta su cas sin permiso. No tabata tin ningun crimen andando y tampoco nan no tabata tin autorizacion pa djis habri porta bin aden di sorpresa. E caso aki ta masha interesante. Mas ainda mirando cu tur ocho Polis ta bin traha y Clarisca no mag y mester keda cas.
