Diadomingo pa mas o menos 3:00 di madruga a haya un notificacion encuanto un boto cu lo a drenta e awanan teritorial di Aruba. Pa mas o menos 4:00 am, despues di un persecucion peligroso caminda a haci uzo di arma pisa, autoridad a logra para e boto. A los diferente tiro riba un speed boat bastante potente, wardacosta a logra para e boto aki. Tin di menciona cu ta unicamente cu tiro di arma di candela riba e motornan a logra par’e.
Wardacosta a bay cu e boto, sin nomber, cu tres motor 300 HP, y cu 3 hende homber abordo di nacionalidad Venezolano, rumbo Savaneta pa mas investigacion. Un accion riba lama orkestra door di bon cooperacion entre camber di radar di KPA, helicopter di polis y Wardacosta cu a evita cu e boto a yega tera.
