Diaranson, dia 23 di maart, Liesje Kehmlani, cu ta traha den parlamento pa hopi aña y semper e tabata mustra su colo politico. E tempo ey, segun parlamentario Benny Sevinger, e tabata mustra cu su colo politico tabata geel.
Tempo cu Sevinger tabata den gobierno como minister, e tabata traha y yuda Evelyn Wever-Croes, cu tur loke fraccion di MEP tabata kier, banda di su trabao como Griffier. Awo aparentemente cu Kehmlani no ta mas cu nan, awo e ta haya un carta diaranson cu ta prohibi su entrada den Parlamento entrante dia 23 maart.
Parlamentario Arthur Dowers di su banda, a menciona cu ta denuncia e hecho cu nos conoce mas dictadura. A conoce un sistema caminda cu na cuminsamento di e gobernacion aki, e ministernan a sali menasa prensa.
Por corda cu a manda carta pa bisa prensa kico nan por papia y kico no mag papia na radio. Tin di bisa cu nos leynan ta proteha nos y lamentablemente a constata cu riba papel nos ta un democracia, pero cada dia ta mira e sintomanan ta drenta cu ta limita e derecho di democracia.
Si no por como minister, manda bisa ningun miembro di prensa kico e tin mag y no mag di papia. Loke a constata cu e gobierno aki a tuma e curashi pa bisa prensa cu si nan laga cierto hende papia na radio of papia cierto cosnan, ta para nan.
Ta grave pa constata cu no solamente cu aworaki pueblo ta paga pa ta lastra y insulta door di gobierno, pero cu gobierno mes cu ta haci esaki, kier purba di limita otro cu ta uza nan medio (ta paga pe nan mes) pa por expresa nan mes contra gobierno.
Segun Dowers, ki momento t’ey pa expresa y no ta sinti cu e gobierno no a gusta loke a bisa, ta sali y persigui, sea nan ta manda director pa persigui of nan mes ta hacie.
Loke pueblo tin cu realisa, cu tin varios otro pais cu cos a cuminsa asina. Aworaki nan ta den e posicion cu nan por para esaki. Segun Dowers, a constata cu un trahado di parlamento tambe a bira victima di e gobierno, pasobra di loke por a lesa ta cu e lo a haci cos politico. Ta cuestiona e otro, si tin un gobierno, cu dia aden dia afo ta practica acto politico, dia aden y dia afo, ta manda hende y ta mira algun di nan cu ta paga pa lastra hende riba social media. A paga hasta hende pa organisa protesta contra nan mesun gobierno. Pueblo mester realisa cu no mester spanta. Pasobra tur e hendenan cu a intimida y cu ta persigui aworaki, nan ta den nan pleno derecho y ta sigur cu na final, ora cu tur e casonan aki caba, tur cu a para contra e gobierno aki, persigui of purba di ta para door di acto politico, cada un di nan lo sali victorioso den nan caso cu nan ta aden contra di e gobierno aki.
Pa mas cobertura lesa TREMPAN.
