Riba diamars 22 di februari a lansa e pelicula local mas nobo riba mercado, Tierras Calientes. E director di e pelicula aki ta Angel Soto. E ta un pelicula basa riba storianan real.
Angel Soto durante un entrevista a conta cu ta importante pa refleha kico ta pasando na mundo y sea wowo tapa p’e realidad. A tarda como un aña pa traha e pelicula pero total a dura como cinco aña desde cu a cuminsa pensa riba e idea, pa djey concretis’e. Tabatin diferente contra tempo mirando cu e topico tabata censura.
Despues a logra haya financiamento pa produci e pelicula. Despues a sigui e proceso pa coordina e proceso di actuamento, e no a bay facil pa haya tur actor pa por actua. Por ehempel tabatin un actor cu ta biba na Hulanda, mester a warda completamente ora e ta na Aruba pa djey filma e escenanan.
E pelicula ta bay tocante traficacion di hende muhe. Pero durante e pelicula, un team investigado ta purba di saca afo con cos ta hinca den otro. Den e proceso nan no ta topa cu nada. E pelicula ta disponibel na The Movies, busca bo ticket pa bo aprecia un tremendo pelicula.
