Diasabra mainta, den careda di 9’or polisnan di Noord a bay cu urgencia den direccion di Shiribana, na un cas conoci caba caminda adictonan sa frecuenta y tambe ta conoci como un sitio di benta di droga.
A drenta informacion cu tabata tin un hincamento. Na yegada di autoridad nan a topa cu varios adicto presente na e cas, entre nan dos hende muhe.
E situacion tabata mustra claramente tabata tin un problema. No tabata tin hincamento, pero si tabata tin bringamento.
Esey ta e motibo tambe cu polis a interveni y mirando e tension den e cas, a bay over na tres detencion cu lo ta esnan sospechoso den e problema di bringamento.
A bay over na detene dos hende muhe, cu ta conoci di polis den mundo di adiccion y tambe e homber di edad, cu ta doño of ta e persona responsabel pa cas na Shiribana.
A resulta cu e dos muhenan a bringa, pasobra aparentemente tur dos tin algo cu e homber y ora cu un a yega, a haya e otro, aparentemente den accion cu e homber, a pone cu e problema a cuminsa y a escala na partimento di sla.
Tres detencion, e homber y e dos hende muhenan a wordo hiba warda di Strandpolitie, caminda cu subfiscal tabata warda riba nan. Djey separadamente, tambe a bay cu nan warda di Shaba, pendiente investigacion riba e caso. Probablemente tin di nan lo bay entrega keho contra otro y e dos muhenan a wordo separa for di otro pa evita confrontacion.
