Diaranson anochi alrededor di 8:50 pm a surgi un pelea formal na CITGO Sasaki. Aki ta caminda dos homber a hala otro cu conopi formal. A activa varios unidad di polis. Na nan yegada, ya tur cos a termina.
No ta conoci e origen di e problema. E agresor, a huy den un Mitsubishi color blanco. E auto ta registra na Seneblar bou nomber di un tal Albert Vrolijk. Ora polis a bay na e adres, no a topa cu nada.
Un rato despues patruya di polis a topa cu e dicho auto staciona den Ranchostraat. A controla y busca e agresor, pero sin resultado. Polis a sigui nan caminda cu man bashi, no a confisca e auto y tampoco tabatin detencion.