Diabierna anochi pasa di 8or a sosode un accidente basta serio riba e caminda di Catiri. Un homber conoci como Tuyo di Catiri a crusa caminda pa bay na e Chines y auto a dale riba caminda. Un Hyundai Getz bayendo nort direccion Moko a dal Tuyo. E chauffeur ta bisa cu e no a mira e peaton.
Notabel ta cu e windshield di Getz tambe ta preto preto y anochi e visibilidad padilanti ta bira dificil. Ambulance a yega mesora y paramediconan a bay cu e peaton herida cu urgencia. E ta den un situacion hopi critico. Departamento di Trafico y tambe Cuerpo Tecnico di Polis a presenta na e sitio pa forma parti di e investigacion. A keda di chek cu Hospital pa mira con a sigui.
