Kiwanis Young Professionals Aruba (KYPA) pa e ultimo añanan a sa di trece differente evento pa recauda fondo cu un toque differente y unico. Eventonan manera Wine & Tapas, Sunset Sushi, y Summer Glow a crece aña tras di aña na differente localidad entre otro, Gari & Wasabi, Azia, Sand Bar, Emotions, Aruba Racquet Club, Oxygen, y tambe Plaza Daniel Leo.
Tur exitoso y tur cu un toque differente. Sigur no por keda sin menciona cu 100% di e fondonan for di e eventonan aki a bai bek den differente projecto cu KYPA a bin ta haci e ultimo anjanan pa nos comunidad y en especial muchanan di nos comunidad.
Pa 2019 KYPA un biaha mas ta treciendo un otro evento pa recauda fondo cu sigur tin tur ingrediente pa bira un anochi inolvidabel. Despues di exito di e aña 2018, A night of Glamour: The Goldmine Era, cual a tuma lugar na Plaza Padu, e aña aki KYPA ta presentando – A Night of Glamour – A Cuban Affair. Esaki lo ta tumando lugar April 30, 2019 y localidad di e aña aki lo ta centro di caya grandi, ex La Linda. Sigur un lugar differente y unico pa asina por eleva y amplia expectativanan pa un anochi na Cuba. Orario di e anochi aki lo ta 8:00 PM pa 1:00 AM. Entertenimiento pa e anochi aki lo ta den man di 2 di Aruba su bandanan tan gusta Tsunami y Robert Y su Solo Banda, unda cu por spera ambiente y setnan varia di tur tipo di genero di musica. Pa añadi na e anochi aki tambe lo tin varios sorpresa unda lo deleita full e publico di comienzo te fin.
Contribucion pa e anochi aki ta Afl 175,- cu ta inclui hors d’oeuvres y tambe un Open Bar y sin duda un ambiente incomparabel. Sigur no por keda sin menciona un bes mas cu 100% di e fondonan recauda e anochi aki ta bai bek pa comunidad. Projectonan cu KYPA a bin ta ehecuta manera Christmas in a Box cual na fin di aña 2018 a logra yuda 102 famia di menos recurso. Differente donacionnan, y conhunto cu e famia grandi di Kiwanis tambe a aporta y yuda ‘hands on’ na K One Day y tambe pa e proyecto di Back to School y un projecto di concientisacion cu yama Placa Chikito unda ta siña muchanan for di chikito con pa anda cu placa y e importancia di spaar. Projecto na caminda ta Art in Bathroom, Big Brother – Big Sister y Competencia di Futbol. KYPA tambe ta sponsor un K-Kids program na Princess Amalia Basischool unda cu ta duna studiantenan oportunidad pa ta lider na un edad hoben y haci un differencia durante full e anja escolar.
April 30, 2019 – La Linda, Caya Grandi, ta e lugar. Check bo tickets na tur miembro KYPA of manda nos un inbox na nos facebook page of por yama tambe na cel 5689931… Nos ta wardabo; wak pa bo tey!
