Segun resumen di awe 58 persona a recupera, a registra un total di 29 caso nobo di COVID-19, di cual 1 ta no-residente. E cifra di no-residente positivo ta encera esnan no-residente cu ta test na aeropuerto na nan yegada y na laboratorionan prome cu nan bandona Aruba. A constata, segun cifranan suministra, cu e cantidad di pashentnan den hospital ta sigui subi.
E cantidad total di testnan getest diaranson na e diferente localidadnan na Aruba, entre otro laboratorio di hospital, laboratorionan priva y aeropuerto ta 663 test. E ‘Postivity rate’ entre residentenan ta 14%.
Casonan activo pa diahuebs ta 239, cantidad di fayecido relaciona cu Covid-19 ta 71.
Hospital ta informa cu tin un total di 30 persona interna di cual 8 ta den Cuido Intensivo y 22 riba unidad general di COVID. Edad promedio di esnan interna pa extra cuido ta 63 aña.
Tin un total di 18822 persona registra pa ricibi nan vacuna y 2935 persona vacuna caba.
