Diabierna Santo, dia 30 di Maart, Parokia di Santa Cruz ta tene su acostumbrada Caminda di Cruz pa Kapel di Alto Vista.
Esaki lo sali pa 4.00’or di madruga for di plenchi pariba di Misa. Lo resa e Santo Rosario pa invoca nos Mama Celestial pa PAZ, HUSTICIA y TRANQUILIDAD por reina ariba nos pais Aruba y pa combersion di pecadornan. Tambe ta canta canticanan di Semana Santa y cu meditacion ariba e pasion y morto di Hesu-Cristo, nos Salbador.
Ta pidi fielnan bini cu flashlight pa por canta for di blachi di canticanan.
Tin busnan disponibel pa transporta fielnan despues di e Caminda di Cruz bek pa Santa Cruz.
Comision Caminda di Cruz Santa Cruz ta invita henter pueblo di Aruba y en particular pueblo di Santa Cruz pa acompaña nos na e Caminda di Cruz aki.
Asina nos ta cuminsa Bierna Santo cu oracion pa nos bon Dios por baha Su bendicion riba nos pais Aruba, proteha y libra nos di tur cosnan malo y robes.
