Dialuna merdia, polis a bay na altura di Charnel na Sabana Grandi pa un accidente. Aparentemente un pareha cu tabata den un auto ta discuti, ora cu e dama a purba di baha for di e auto den careda.
E chauffeur (un cabayero), a purba di evita pa e no baha for di auto, pero el a perde control, a baha fo’i caminda y a dal den cura di Charnel y finalmente bay para riba caminda. E dama a keda levemente herida. Paramediconan a bin na e sitio pa asina dun’e asistencia. Daño na e auto ta considerabel.
