Bebe y core auto por costa bo e libertad desea. Un chauffeur bebi a causa su mesun detencion y di su pareha den e area di Bubali.
Polisnan a ser avisa di un pickup coriendo malo riba caminda. E informacion tabata cu banda di veld di Bubali e chauffeur Tabata coriendo.
Ora cu Polis a yega banda di veld e chauffeur a core bay caba. A bin topa cune yegando Hato prome cu Aruba Bank. A para e auto. E chauffeur Tabata mustra bebi. E Tabata cu un dama den auto. Polis a lage supla. Cos no a sali bon pe. A detene e dama y e homber.
Den baki di pickup Tabata tin hopi cuminda. Ta cuminda cu nan a caba di cumpra na Supermercado den preparacion pa e fin di siman largo. Keda pan y come aros na cantidad. Ora dogcatcher a yega, e chauffeur a carga su cosnan di come cu Tabata den baki y pone nan den dogcatcher. Polis a lage hala e pickup un banda.