Diasabra anochi alrededor polis a para dos tipo na altura di The Village p’un control rutinario. Manera ta conoci, polis ta bezig for di diasabra 7:00 pm te cu diadomingo 7:00 am cu listramento preventivo.
Durante e control aki, e hombernan no por a demostra un identificacion valido y tampoco un permiso valido.
A detene nan y transporta ambos pa warda di polis caminda un subfiscal lo atende cu nan. Na warda, famia di un di e detenido tabata para ta warda, pa wak su ser keri posiblemente pa ultimo biaha. E famia a confirma na 24ora.com cu ningun di dos ta legal riba nos isla. Awo, lo inicia e proceso di deportacion.