Un rato pasa polis a presenta cu urgencia den De La Sallestraat p’un supuesto pelea memey di caminda. Na yegada di autoridad, a bin compronde cu ta trata mas bien di un pelea di pareha. Cos a bay asina leu, cu nan a stagna trafico y cuminsa huña otro memey di caminda.
Polis a intermedia entre e pareha y restora paz entre nan. Na final, no a detene ningun persona. A papia duro cu nan si! A splica ambos cu no por bringa cu otro asina sin mas riba caya, pasobra esey ta contra ley.
A recorda nan tambe cu henter fin di siman aki tin un maneho masha estricto di listramento preventivo, prevencion di aglomeracion y tambe pa e tipo di problemanan asina riba caya. Tur esaki por bira motibo pa nan detencion inmediato.
Kico ta e motibo di e discusion no ta conoci. Polis a splica ambos cu esey no ta nan cuenta tampoco. Djis cu si mester regresa pa pleitamento riba caminda publico, anto nan por ta sigur di lo pasa nan diasabra anochi cera den un cel na ward’i polis.
