Pa exactamente 1:03pm, Stichting Maneho di Aruba su Carnaval (SMAC) a anuncia salida oficial di Carnaval di Mucha Oranjestad. Contrario na e otro paradanan, awe no a conta cu presencia di Minister di Cultura, mr. Xiomara Ruiz-Maduro pa e ceremonia di salida.
E parada e aña aki lo tin e mesun ruta cu parada di hende grandi, pues for di Entertainment Center na Dakota pa e edificio di ex-DOW den Paardenbaaistraat. Tin un total di 7 grupo participando den e parada awe.
Si e parada cana normal y sin ningun obstaculo, ta premira, segun e agenda acorda entre SMAC y Polis, cu pa 6:00pm e parada lo a termina. Mayan ta dia di scol normal pa muchanan. E unico dia liber na scol, pa motibo di carnaval, ta dialuna dia 4 di maart 2019. Otro aña si a introduci un Vakantie di Carnaval, for di 19 te cu 24 di februari 2020.
