Diasabra tabatin un Happy Hour di UAmbiente, cual nan a organisa pa prome biaha na Universidad di Aruba. E Happy Hour aki tabata posibel conhuntamente cu Romar Trading y tambe cu Ban Serio.
Josette Burke, studiante y alabes miembro di comision UAmbiente, a conta cu proposito di e Happy Hour pa asina inicia e campaña UAmbiente pa conscientisa pueblo di Aruba, cu Universidad di Aruba tambe tey y loke nan ta para p’e.
Motibo cu nan ta haci e happy hour ta cu durante simannan a promove nan logo, e campaña mes cu ta andando cun’e, cual ta nan T-shirt y tambe nan jingle cu nan video promocional.
E happy hour tabata pa tur studiante, docente y tur miembro di staff di Universidad di Aruba. Tambe nan a lansa nan Tshirt, cual riba e dia aki ey so por a cumpr’e pa solamente 10 florin y despues lo bira 15 florin.
A pidi pa esnan cu a cumpra e T-shirt, nan por decora nan T-shirt y durante cualkier actividad di carnaval, nan lo por saca potret y pone esaki riba cualkier plataforma di Social media di Universidad di Aruba y asina por gana premionan hopi atractivo.
Universidad di Aruba ta para pa e desaroyo profesional, e desaroyo personal y tambe nos medio ambiente. Pesey ta contento cu Ban Serio a contribui hunto cu Universidad diasabra anochi, cual ta concientisa e uzo di cups di plastic durante di e temporada di carnaval.
Ta hopi contento cu por a uni forsa y haci esaki posibel. Tambe Romar Trading cu a yuda haci e anochi aki posibel. A gradici Universidad di Aruba pa laga bin cu un campaña asina pa e scol y comunidad.
A tuma oportunidad pa gradici Denzel Brown y Karixon na Hulanda, kende a percura pa e composicion y areglo di e promotional video. Por mira e video aki riba Facebook, Instagram, demas medionan social.
