Cu 160 agente policial riba caya pa sigura cu e Parada di Luz di San Nicolas bay sin ningun problema y mantene e orden publico tog tabatin algun elemento cu a tribi di burla husticia. Polis durante e parada a realisa diferente listamento preventivo.
Aki algun detencion a cay den area di Bernhardstraat, V. Zeppenfeldstraat y Lagoweg diahuebs anochi trempan. Despues mientras e parada a sigui avanza varios mas detencion a cay for di cana cu obhetonan prohibi te na buracheria.
Diferente departamento di Cuerpo Policial a traha hunto entre otro Polis Uniforma, ME, Motor Unit, K-9 , Mobiel Commando, Departamento di Recherche, Personal administrativo y nos Commando Kamer.
Tambe personal di CEA. Pa 00:35 e cabes di e parada a yega Joe Laveist y pa 1:50 madruga e parada a yega su final. E aña aki nos a conta cu 31 detencion, compara cu aña 2019 tabata tin 16 detencion.