Ultimo dianan por a constata cu polis ta atento riba caya pa vehiculonan cu ta circula sin cu nan tin e documentonan na ordo.
Diasabra anochi motor unit tabata controla den area di Playa diferente brommer. Den un di e controlnan a topa cu un scooter Gilera cu no tabatin su papelnan na ordo. E mesun hoben den combersacion cu e polisnan a indica cu e ta consciente cu e ta fout y cu e ta coriendo sin papelnan na ordo.
Polis no por a haci nada otro cu confisca e brommer y riba takelwagen a transporta pa warda.
E hoben mester bay regla e papelnan pa e por saca su brommer Gilera bek.
