Diferente di e problemanan den fin di siman pa cual ta pidi asistencia di polis ta den seno di famia, of relacionnan di pareha. Diadomingo anochi un problema na un cas di famia a finalisa cu un detencion.
Tabata algun ora prome cu TDQ cu polis di Noord mester a bay atende un problema di famia na Esmeralda 119C.
Sinembargo na momento cu nan a yega no a logra controla e situacion pasobra no por a rasona cu ningun di e personanan. Nan a haya nan mes obliga ta pidi refuerso. Hopi lihe cinco 5 patruya mas a yega na e sitio pa pone ordo. Pakico tur e problema den e famia no ta conoci. Pero hecho ta cu na final a detene un homber, kende a maltrata un otro persona na e cas. En bes di drumi riba su cama, el a pasa e anochi riba un corchon na warda.
