Awe mainta pa 9:30 am ex-minister Otmar Oduber a yega oficina di Landsrecherche riba Vondellaan pa un cita. Probablemente el a imagina cu lo ta pa bebe koffie, sinembargo asina cu el a yega paden a deten’e, a bis’e su derechonan y a bis’e cu e por yama un abogado si e ta desea. A inform’e cu e ta deteni como sospechoso principal den e caso Flamingo, cu a start dos aña pasa.
Na aña 2020 Ministerio Publico a acus’e di ocho delito criminal. Awe sinembargo e mesun Ministerio Publico a menciona solamente dos acusacion contra e ex-minister di Gabinete Wever-Croes I. Nan a investiga e forma con el a otorga tereno comercial entre 2017 pa 2019 ora e tabata den funcion.
Na su salida pa 6:50 pm, el a opta pa no bisa mucho. Pero solamente pa 24ora.com el a bisa cu e berdad lo sali na cla y lo vence. Su cara tabata determina y e tabatin dos aña pa prepara pa e momento cu mundo henter lo mir’e na boei como sospechoso di husticia.
