Ursell Arends y Tai Foo Lee, representando partido RAIZ a yega Censo na un manera solemne, pa asina entrega nan lista di partido. Nan a presenta nan rekisitonan na e funcionarionan di Conseho Supremo Electoral. E dos personahenan aki por bisa cu nan ta pertenece na e grupo di millenials, cu sigur a yama basta atencion den comunidad.
Finalmente RAIZ ta forma parti di eleccion 2017. RAIZ ta bay cu cinco candidato y nan ta cla pa profila cun’e. Nan ta considera nan mes un niche. E proceso ta cuminsa awe, celebrando democracia. Riba e lista tin cinco hende ta para pa transparencia, respet mutuo, pa democracia y inculca balor y normanan den comunidad.
Haci uzo di boso derecho, di firma no solamente pa RAIZ, pero e otro partidonan tambe, pa nan por participa den eleccion 2017.
RAIZ tabata tin algun miembro mas, pero a dicidi toch na final pa bay cu 5. Nan ta Ursell Arends, Tai Foo Lee, un cara no desconoci den comunidad, Liliana Erasmus, Raymond Kamperveen, Lisette Gomez, kende no ta un persona desconoci. Ya pa varios aña caba e ta boga pa derechonan di mucha y ta lucha contra di abuso di mucha.
