E “Global Forum” a califica cu Aruba ta cumpliendo hopi cu e standardnan internacional riba transparencia y intercambio di informacion solicita y atendi entre 1 di juli 2014 y 30 di juni 2017. E rapport ta conclui cu leynan di Aruba ta rekeri mehoracionnan pa sigura cu tin obligacion legal pa mantene informacion riba doño di companianan y tur asunto legal, manera ta rekeri ora a cambia e standardnan na aña 2016.
E reto mas grandi sinembargo ta relaciona cu e cantidad di negoshinan no activo y e forma no adecua cu ta monitor en general.
https://www.youtube.com/watch?v=LaxtxnyDcoQ
Ta conseha Aruba pa den forma urgente diseña y implementa un sistema efectivo di supervision y programanan di aplicacion pa sigura cu tin informacion disponibel di doñonan di negoshi y nan administracion, pa ta cumpliendo cu standardnan internacional.
Aruba tin poco experiencia den contesta peticionnan y mester mehora su procesonan di organisacion pa garantisa intercambio di informacion den forma mas efectivo cu tur partnernan.
