Diadomingo anochi banda di 11or a manda Polisnan y Recherche pura den direccion di Chilestraat. Eynan tabatin un bringamento segun e prome informe y tin hende mal herida. Ora cu Unidadnan di Polis a yega na e sitio a topa cu un mucha homber menor di edad di 14 aña. El a conta Polis cu un grupo di ocho mucha homber a atak’e y bati’e. E agresion pisa a tuma luga banda di Tat Fat den Venezuelastraat. El a logra yega na e cas den Chilestraat unda a bati alarma. E tabata na tino pero cu basta sla na curpa.
A pidi pa Ambulance cu urgencia. A logra atende cu e victima y hibe hospital. A pidi slachtofferhulp tambe pa presenta na hospital pa atende cu e victima. E motibo di agresion no ta conoci. Probablemente e hoben agredi conoce esnan cu a dal’e. E cara tabatin basta golpi riba dje.
