Relaciona cu un investigacion penal andando, awe madruga a detene un homber di nacionalidad Hulandes cu inicial J.M y un otro di inicial J.M. Ta sospecha ambos di tabata envolvi den un atraco arma cu a tuma luga dilanti RBC Bank dia 1 di april 2019. E dia ey a bay cu placa di un trahado cu a yega banco pa deposita entrada di un negoshi.
Den e caso aki tin un total di 4 sospechoso deteni caba. Ta considera e sospechosonan aki hopi peligroso, pa cual motibo a opta pa haci uzo di Arrestatie team pa detene e sospechosonan aki.
E detencionnan a tuma luga na un cas situa na Pos Abou. Tambe Recherche a confisca 2 arma di candela y un cantidad di droga. No ta descarta mas detencion den e investigacion aki.
Pa Cuerpo Policial por resolve mas caso, ta importante pa por conta cu cooperacion di pueblo. Ta pidi pa si tin cualkier informacion, pa yama e tiplijn: 11141.
