Ken ta hortando e kabelnan di coriente na palo di lus. Tur dia tin ladronicia y te ainda no por pone man riba e ladron. A tuma nota cu henter siman pariba di brug tin ladronicia tumando lugar. Claramente por confirma cu aki ta trata di un hende cu sa di coriente. Na cada palo di lus ta coriente mortal tin ta core den e wayanan. San Nicolas ta e zona cu mast a hortando e kabelnan di Koper di palonan di Lus. E trabou aki ta stroba e operacion diario di personal di Elmar.
Ademas e ta un molester pa habitantenan cu ta perde coriente y hasta perde cierto aparato den cas pa motibo di e operacion cu hortamento. Ta afecta e coriente cu ta bay bin y aparatonan ta kima of daña. E ladron di Koper ta bay asina leu cu nan ta kita cuater waya pareu. Un costo halto pa pone nobo bek. Gasto halto na trabou. Y e ladron mes ta bay bende e kilonan di koper na prijs barata. Pa ley ningun hende mag cumpra koper riba caya na Aruba. Esaki ta un maneho cu gobierno anterior a introduci y esun actual a ratifica. Kier a stop di e forma e hortamento di koper na Aruba.
E gobierno actual a bay mas leu ainda. A stop entrada di koper for di Venezuela. Eynan tabata horta koper bin bende na companianan conoci na Aruba y cu despues ta exporta esaki. E realidad ta cu na Aruba keto bay e cumpradornan di koper ta keda opera cu koper horta na Aruba. E ultimo simannan cu a pasa tabata tin hortamento den Juana Morto, Sero Bentana Weg, Clavelstraat, Oosten Berg Weg, Ronde Klipstraat, Yuwana Mortostraat y vecindario a haya mas cu un bishita.
