Ayera dia 6 di juli 2020, Obispado di Willemstad a manda un carta pisa pa e directiva di Stichting Voortgezet Onderwijs Aruba, antes SMOA, relaciona cu e peticion pa nan tuma nan retiro. Esaki ta e di tres biaha cu Obispo Luis Secco ta pidi e directiva pa nan tuma nan retiro for di e directiva cu ta maneha Colegio Arubano, pa bon di e scol, di e docentenan y di e alumnonan. Pero, e biaha aki a pidi nan pa haci esaki den no menos di 3 dia, sino lo pidi Gobierno pa para subsidio pa Colegio Arubano!
Obispo a splica den su carta, cu el a copia Minister Presidente, Minister di Enseñansa, directiva di organisacion di Docentenan, directiva di Comision di Mayor di Colegio Arubano, Vicario di Aruba y e comision di Obispado, cu ta algun tempo caba e scol ta bou presion enorme dor di e relacion malo entre SMOA y e docentenan, e alumnonan y e mayornan.
Loading…
Reload document 
Open in new tab Obispo den su carta ta puntra su mes, kico ta e berdadero interes di e directiva, si ta esun di e directiva mes of esun di enseñansa general den cual a confia nan cu ne. E Obispo ta haci e pregunta aki hunto cu e mayornan, e docentenan y e mas di 1600 alumnonan na dicho scol. Ta sinti cu di un forma delibera e directiva di SMOA ta insisti pa keda den funcion, a costo di un ambiente di trabou saludabel na e scol y den enseñansa en general.
