Servicio Meteorologico di Aruba (Meteo) a informa un rato pasa cu awe nochi ta pronostica cu shelo lo ta parcialmente nubla cu awasero breve den marduga. Mañan mainta por spera shelo parcialmente te hopi nubla cu algun awasero local.
Situacion general di tempo pa proximo 24 ora
Un ola tropical ta moviendo den parti oost di Caribe y lo pasa den region local bay west durante e proximo 24 oranan. Esaki lo trece humedad adicional y instabilidad cu por produci algun awasero local cu por bay compaña pa strena cu lamper. Localmente e yobida por ta fuerte y lo por causa inundacion temporal na e areanan conoci.
