A pidi presencia di polis na e casnan di FCCA na Cura Cabay zuid awe mainta pa un caso preocupante caminda a laga criaturanan so den cas. Polis a presenta mesora na sitio pa atende cu e situacion.
Durante control regular na viviendanan di casnan di FCCA, trahadonan a bin topa cu menornan di edad nan so na cas. Esaki a pasa band’i 9:30 am na e casnan na Cura Cabay Zuid patras di Savaneta. No por bisa si tabata trata di dos of mas menor di edad, pero e trahado a bati alarma mesora na momento cu el a tuma nota cu no tin un persona adulto cu e criaturanan na cas.
Polis a presenta y tuma contacto cu e mama pa asina e duna cuenta di locual a tuma luga. Segun informacion na sitio cu e situacion aki ta tuma luga cu frecuencia, cu ta laga e menornan sin supervicion na e cas sin tene den consideracion e consecuencianan.
