Gobierno ta informa di un cambio den prijs di productonan petrolero. Por constata cu desde cu aña a habri, e prijsnan a sigui den un tendencia di aumenta y esaki ta e caso atrobe, entrante diaranson.
Minister di Finanza, Asuntonan Economico y Cultura ta anuncia e prijsnan nobo di benta di combustibel entrante 10 di maart 2021:
Gasoline unleaded-premium : 208,8 cen p/ltr. (+ 12,5 cen)
Diesel LS : 170,9 cen p/ltr. (+ 12,3 cen)
Kerosin : 151,4 cen p/ltr. (+ 10.4 cen)
E prijsnan ta inclui BBO/BAZV/BAVP
Por nota cu tur e tres producto nan prijs a subi un biaha mas y gasolin ta esun mas hopi. Si haci un comparacion cu luna pasa ora cu tabatin cambio di prijs riba 9 di februari, esaki ta bira dos cen mas caro pasobra na februari gasolin a subi cu 10.4 cen, diesel cu 6.2 cen y kerosin cu 4.6 cen. Pero e prome luna di aña, riba dia 13, tambe a conoce un cambio pa aumento. E tempo ey gasolin a subi cu 9.2 cen, diesel cu 10.1 cen y kerosin cu 10.3 cen.
Na momento cu aña habri e prijs tabata Afl. 1.76(7) pa liter, cual ta nifica cu e aña’ki a conoce un aumento caba di 32 cen den e prijs di gasolin pa liter.
