Ministerio Públiko (OM) BES a disidí ku no ta start un investigashon penal relashoná ku deklarashonnan di polítiko di Sint Eustatius, Clyde van Putten.
Deklarashonnan ku el a hasí na Kòrsou dia 9 di òktober 2017. Fiskal Mayo di OM BES a disidí esaki i a pone mientrastantu e denunsiante na altura di e desishon.
Maneho di Ministerio Públiko ta den kaso di denunsiánan polítiko pa mantené hopi reserva. No solamente pa motibu di hurisprudensia, pero tambe for di punto di bista di kiko wòrdu bisa den rena polítiko, mester keda atendé tambe den e arena polítiko. E punto di bista aki ta publiká den un instrukshon den kual ta tratá netamente e tema di denunsiánan polítiko.
Ministerio Públiko no ta mira motibu pa kambia maneho riba e tema aki.
Ademas Van Putten mientrastantu a tuma distansia di su propio deklarashon.
E mes ta yama su deklarashon repudiabel i ta atmití ku a saka su deklarashon for di konteksto.
Mirando e kalifikashon ku Van Putten mes a duna i e despensa ku el a pidi, ta nifiká ku persiguishon lo pone atenshon innesesariamente riba deklarashonnan ku mientrastantu a pasa pa istoria. E deklarashonnan di Van Putten ya kaba a keda risibí di un forma adekuá i pone di e forma aki den perspektiva. Ministerio Públiko ta lamentá e deklarashon di Van Putten. Un persiguishon penal sinembargo no tin balor agregá.
Si e no ta di akuerdo ku desishon di OM, por entregá un keho na Korte a base di artíkulo 15 di Kódigo di Prosedimentu Penal.
