Diaranson anochi alrededor di 9:00 pm polis a para un auto marca Hyundai modelo Atos riba Arendsstraat, net poco parib’i rotonde den Belgiëstraat. A par’e mirando cu el a casi dal frontal den un patruya di polis. Locual ta mas remarcabel ta cu ta net dilant’i su cas polis a par’e.
Pues, e tabata falta no menos cu diescinco meter pa yega cas. Su bisiñanan a conta cu e homber semper ta yega cas bou influencia di alcohol. Awe e no tabatin suerte, a deten’e y hib’e pa ward’i polis caminda e lo pasa e rest’i anochi tra’i trali.
