Organisashon di Enfermeronan di Aruba (ODEA) a reuni cu formado di gobierno y ta haya cu e reunion aki tabata basta ameno cu hopi pregunta. Nan a trece dilanti tur nan puntonan di preocupacion dilanti pa guia formado den formacion di gobierno.
E organisacion tin hopi preocupacion, pero e pandemia a laga nan cu mas. A bin cu proposicion aunke nan a haya hopi pregunta. Sharlyn Farro di ODEA a indica cu nan ta satisfecho p’e oportunidad y ta confia cu e no ta keda na un encuentro so. Tipo di encuentro asina ta hopi importante pasobra a base di dialogo y participacion di ODEA, cu ta e representante di nurse, ta di importancia. Esaki ta specialmente den e parti di AruBIG ya cu a mira esaki ta bay drenta, pero no a pone aden enfermero.
Nan ta contento di un banda p’e participacion y ODEA ta sinti cu nan tabata di acuerdo cu nan aporte. Farro a sigui indica, cu nan a comparti e puntonan di preocupacion y di ta na altura di nan. Esey ta duna nan un satisfaccion cu e partidonan ta riba un linea pa por cuminsa traha den e proximo gobernacion. Na momento cu a trata e ley, ODEA tabata tin participacion den esaki. Asina cu e ley a pasa, el a keda y no por a ehecut’e. Esaki ta debi cu tin otro stap cu tin di pone p’e por funciona. E ley t’ey y ODEA a participa na esaki.
Na momento cu a bay na ehecuta, e organisacion no tabata den e participacion pero no ta aden tampoco, el a indica. Na momento cu a bin dilanti informacion di AruBIG, esaki a trece inkietud entre e nursenan. Segun Farro, un banda nan ta contento di no ta den dje, pasobra nan no ta cla pa ta den AruBIG. E punto ey nan a pone hopi duidelijk pa formado cu na momento nan bay aden, nan mester di participacion na e invulling di voorwaarden y gevolgen pa por ehecut’e. Tur nurse ta haci nan best p’e calidad di cuido keda na halto.
Pa cobertura mas amplio, lesa e edicion di TREMPAN mañan.
