Siman pasa e compania Fuels Marketing & Suply Aruba (FMSA), e compania cu ta distribui combusibel na Aruba y cu ta doño su mes di varios pomp di gasolin, a informa cu riba dia di Obrero, 1 di mei, lo tin un orario adapta. Sinembargo, awe a sali na cla cu Gobierno a instrui pompnan di gasolin pa cera mañan y duna trahadonan liber. E doñonan di e pompnan lo cumpli parcialmente cu peticion di Gobierno, pero lo habri toch!
E prome pa anuncia cu e lo habri mañan normal ta CITGO Sasaki y CITGO Tanki Leendert. Nan ta dos di e pompnan independiente, pues cu no ta permanece na FMSA. Nan a pone hasta un aviso den corant informando cu nan SI ta habri!
E intencion sinembargo tabata pa TUR pomp cera mañan. Peticion di comunidad y demanda pa gasolin a haci cu, specialmente e pompnan cu ta draai 24 ora pa dia, lo habri toch diamars.
E diferencia ta cu lo no uza trahadonan cu mester permiso di Departamento di Labor pa traha riba un dia liber. Pues, chens ta grandi cu e gerentenan mes lo traha paden y e servicio probablemente lo ta di “self service”.
