E presidente di Venezuela, Nicolas Maduro, no solamente ta wordo cuestiona pa hiba su pais den un crisis economico y social, sino tambe pa su frasenan caracteristico cu ta sorprende mas di un hende.
“Mi a bay den futuro y a bin bek, y mi a wak cu tur cos a sali bon y cu e Union Civico Militar ta garantisa paz y felicidad na nos pueblo,” el a bisa durante un reunion cu e Forsanan Militar di su pais.
E mandatario a sigura cu den su biahe pa futuro, el a wak cu tur cos lo sali bon pa Venezuela. “Nos lo sali mas fuerte y mas sabio di henter e coyuntura aki. E man yen di hendenan inmadura improvisadornan no lo por daña e bida republicano di Venezuela. Nan o lo por, tin e siguridad ey,” el a señala.
Dia 10 di Januari ultimo, Nicolas Maduro a asumi su di dos mandato como presidente di Venezuela, apesar di e cuestionamentonan duro di varios pais Latino Americano, Merca y Union Europeo, cu ta considera su mandato, uno ilegitimo.
