Hulanda a cuminsa haci test cu plasma y diaranson a test esaki. Un pashent di coronavirus cu ta den hospital Erasmus MC ta e prome persona pa ricibi e plasma cu anticuerpo, asina e hospital di Rotterdam a informa den un comunicado na NOS. Hospital Erasmes MC tabata investigando kico ta e efectonan cu anticuerpo tin riba pashentnan di coronavirus. E pensamento ta cu e plasma di pashentnan di coronavirus recupera por yuda otro.
Otro paisnan ta haciendo diferente investigacion riba nivel minimo, pero no a bin cu un conclusion, segun internist-infectioloog Bart Rijnders, kende ta na cabes di e investigacion di Erasmus MC. “Ta mustra safe di duna plasma cu anticuerpo, pero tambe p’esey e bukinan no ta cera ainda,” segun Rijnders. Tambe ta hunga un rol cu den exterior no tin grupo di control. Na Rotterdam si tin e grupo aki.
420 PASHENT PARTICIPANDO DEN TEST
Tin mas o menos 426 pashent lo participa den e investigacion di Erasmus MC. Pa bin na remarca di participa, nan mester ta riba un verpleegafdeling di hospital of recientemente tabata den cuido intensivo. Nan ta haya e plasma riba tur procedura standart di COVID-19.
Mas o menos 2500 pashent cura di coronavirus a meld nan mes como dunado di plasma. E banco di sanger Sanquin lo yama gran parti di nan pa duna plasma.
