Awe tardi Polis a bay por lo menos dos biaha na e mesun adres na Cashero pa intermedia den un problema di famia. Tin un of mas persona ta kedando den e cas hunto cu un persona di un tiki mas edad den rolstoel y e ultimo a laga sa cu e no ta di acuerdo cu nan compartacion y ta desea pa Polis saca nan for di e cas. Mientras Polis tabata papiando cu ambos partido envolvi, e persona den rolstoel tabata blo grita, unda dado momento Polis a hala su atencion riba su gritamento. A mustra cu Polis a logra di cera un bon comprendemento entre ambos partido y a bandona e sitio.
Sinembargo mas o menos 30 minuut despues, Polis a bolbe bay pa e mesun adres unda supuestamente hasta menasa lo a cay. Aki un otro patruya a bolbe presenta y unda un diferente persona di edad mas halto a sali for di e cas, reenforsando e prome persona den e rolstoel contra e otro personanan cu supuestamente tambe lo ta biba den e cas. Varios gritamento y palabra malo a sali den direccion di e hobennan.
E persona a acusa cu nan no ta yuda paga nada di cuentanan y cu ta su cas y cu e ta doño di cas y kier pa nan bay for di su cas. E hoben sinembargo a drenta paden unda el a busca y mustra e agentenan policial algun recibo como prueba cu si e ta yuda paga awa, gas y coriente. Polis a keda basta rato cu tur nan santo pasenshi, purbando pa intermedia. Despues di a splica ambos partido e caminda pa cana, Polis a bandona e sitio.
