E aña aki ta uno di recuperacion despues cu mundo henter tabata asota pa impactonan di e pandemia, por mira cu gobierno ta saca diferente parti di nan masterplan di recuperacion, reposicion di benta y e parti di e-Governance. Gobierno ta purba di inverti den e sector di aparato gubernamental pa agilisa procesonan den gobierno.
Setty Yarzagaray Parlamentario di MEP, a bisa cu tumando na cuenta e protocolnan di COVID-19, pa awo esey no ta bay cambia mucho, pero e trabou, e responsabilidad na pueblo ta keda y bira mas innovativo. Minister di Asuntonan Financiero y Economico a bin cu e parti di alivio fiscal. Parti di recuperacion kiermen trece y brinda yudansa na esunnan cu tin e zwak, pasobra e sector comercial y negoshinan chikito, mediano ta un parti vitual di economia. Mas sostene nan ta mas trahado ta mantene nan empleo, cupo di trabou ta hopi scars. Esunnan cu a perde empleo ta pasa duro.
Fin di aña a cera cu cantidad di persona a haya yudansa di FASE, aunke cu tin politico cu ta cla pa critica. Nan ta coy e dolor di hende y troce, pero segun Yarzagaray e realidad ta diferente. El a splica cu e realidad ta cu ta gasta hopi placa y ta fia placa pa por mantene e pueblo, no gobierno, su cabes riba awa. Desde april te cu december pais Aruba a yuda mas of menos 11 mil y pico hende, cu ta depende ainda riba e parti di FASE. A paga 42.8 miyon florin na asistencia di esunnan cu a perde salario completamente.
Esunnan cu a perde entrada, negoshinan cu a perde entrada, pa evita cu ta manda personanan cas, segun e parlamentario, a bin cu e parti di loonsubsidie. Desde luna di mei a brinda esaki y tin parti di e placa aki ta financia door di e sosten di integridad di Hulanda. Esaki a sali di e presupuesto di Aruba. A inverti casi 272 miyon den e sector di pueblo, comercial, sector laboral pa hopi hende no perde trabou. Tin incertidumbrenan, pasobra negoshinan cu a haya yudansa asina mes ta recuri na manda hende cas. Tin di e negoshinan aki den trayectoria no ta bay bon y e Coronavirus, e crisis aki, a haci cu nan a pasa pero no ta logra. Algun di nan ta haci su intento pa yuda tur parti di instituto, comercio engeneral pa manda hende cas.
A bin cu yudansa di Middel Klein Bedrijf hulp pasobra empresanan chikito y mediano ta keda cu gastonan di operacion igual. Gastonan di utilidad practicamente ta keda igual, pero entrada no t’ey. P’e motibo ey pa kwartaal gobierno a duna yudansa p’e lunanan di mei, juli y october. E gobierno a sostene empresanan chikito y mediano cu casi 24 miyon di florin.
